Davanti a un negozi la vigelia ed Nadèl
Ecco una mama
cun al soo putein
che in etra stagioun
la sree andeda in giardein :
adees i ein lè ferem
a guarder ‘na vedreina
cl’é pina ed cla roba
cfa gnir l’acqvuleina!
Al picol al guerda
coi soo bee ucioun
puntand al didein
propria drett a un turoun!
E al dis : « Mama, vèh… !
l’andamia a cumprèr… »
(soo medra, puvratta,
l’an sa cuma fer… !)
Al picol al slanga
la bela maneina
e al tira cun forza
là , vers la vedreina.
Lee alora l’agh dis :
« Mo brisa al mee bel… !
ai i coumpra al papÃ
i bumboun per Nadèl!… ».